Svizra - Procura publica vul schliar immunitad da Markwalder
La Procura publica federala ha incaricà il parlament da schliar l'immunitad da la cussegliera naziunala, Christa Markwalder e dal cusseglier naziunal, Walter Müller. I dettia avunda indizis da suspect per avrir ina procedura penala, ha la Procura publica federala confermà rapports da la NZZ.
Per insumma pudair avrir la procedura ha ella perquai fatg la dumonda da schliar l'immunitad da la deputada e dal deputà dals liberaldemocrats. I saja vegnì deponì pliras denunzias penalas cunter Markwalder e Müller: tranter auter per avair cuntrafatg al secret d'uffizi fin ad avair tradì infurmaziuns confidenzialas a stadis esters.
