Confermads èn dus inscunters informals tranter Lauber ed Infantino, tuts dus dal 2016. Tenor la Procura publica federala sajan quels stads necessaris per sa cunvegnir e coordinar il proceder da l’investigaziun cunter la FIFA ed èn perquai betg vegnids protocollads.
L‘autoritad da surveglianza renconuscha bain che tals inscunters sappian esser d‘avantatg per la lavur da la Procura publica federala, dentant che quels èn betg vegnids protocollads cuntrafetschia a la lescha. Els recumondan perquai a la Procura publica federala da protocollar en il futur tut ils inscunters.
Il ominus terz inscunter
Quai che pertutga in eventual terz inscunter tranter Lauber ed Infantino la stad 2017 sclerescha l‘autoritad da surveglianza il mument. Fin il cumenzament da matg vul quella decider sch‘ella vegn a lantschar in‘inquisiziun disciplinara cunter il procuratur public general Michael Lauber.
RR novitads 12:00