Siglir tar il cuntegn

Header

cuntegn

Producent da tschigulatta Er Barry Callebaut senta ils effects da la pandemia

Er il pli grond producent da tschigulatta dal mund ha da morder vi da la pandemia da corona. Durant l'onn da fatschenta 2019/2020, ch'è ì a fin ils 31 d'avust, ha Barry Callebaut vendì 2,1 milliuns tonnas tschigulatta e cacao, 2% pli pauc che l'onn avant. La svieuta è sa reducida per 6% sin 6,9 milliardas francs.

Sco quai che Barry Callebaut communitgescha, haja l'onn da fatschenta cumenzà bain. Durant la pandemia haja lura patì en spezial la sparta gourmet e spezialitads cun furnir tschigulatta a hotels, ustarias, conditorias e chocolatiers, perquai che quels han stuì serrar durant il lockdown.

Ord l'archiv da la Tagesschau:

video
Barry Callebaut wächst munter weiter
Or da Tagesschau dals 12.04.2017.
laschar ir

RTR novitads 08:00

Artitgels legids il pli savens

Scrollar a sanestra Scrollar a dretga