Radund 83% dals legums e verduras da bio èn pachetads en folias da plastic. Quai mussa in test da la Fundaziun per la protecziun da consuments. Meglier èn ils resultats tar products convenziunals. La fundaziun ha testà en 10 stizuns a Basilea e Berna l'emballadi da total 221 cucumeras, tomatas, carottas, peperonis e maila. Ils resultats mussan che 54% dals products èn zugliads en plastic.
Procentuala da plastic tar differents products
| Tip da products | Procentuala da plastic |
| Products en total | 54% |
| Products da bio | 84% |
| Products convenziunals | 44% |
Tenor il test pacheteschan las stizuns Migros, Lidl e Denner tut lur products da bio en plastic. Il Coop bun 78% e Aldi 63%.
Alternativas tar plastic sco per exempel raits da cellulosa u chartun ord palpiri da pastg n'hajan ins betg chattà. Er satgs reutilisabels vegnian tenor la retschertga sulettamain offrids tar Coop e Migros. Quels satgs portian dentant pauc, sche tut ils products sajan gia zugliads en plastic.
RR novitads 11:30