La EWZ ha augmentà sia producziun da forza idraulica en il Grischun l'onn passà, quai per passa in quart. Las ovras en il Grischun Central hajan furnì prest 700 uras gigawatt ed en la Bregaglia haja la forza idraulica procurà per bun 375 uras gigawatt, communitgeschan las Ovras electricas da la citad da Turitg.
La EWZ en il Grischun
Avrir la boxSerrar la box
Las Ovras electricas da la citad da Turitg...
han en il Grischun 21 ovras electricas
produceschan electricitad per 20 vischnancas
pajan en il chantun radund 31 milliuns francs taglia, tschains d'aua e concessiuns
han a Seglias la centrala per controllar e survegliar l'entira atgna rait en Svizra
occupan 114 emploiadas ed emploiads en il Grischun
La EWZ reconstruescha la tschiffada d'aua ed intgins indrizs da l'ovra Prä a Bondo ch'è dapi la crudada da crappa il 2017 ord funcziun.
Il gudogn da la EWZ per il 2023 munta a 370 milliuns francs, bunamain il traidubel da l'onn avant. Era per l'onn actual ed il 2025 spetgan els bunas cifras: tenor il rapport da gestiun pudess l'interpresa vinavant profitar da pretschs auts sin il martgà d'electricitad.
