Siglir tar il cuntegn

Header

cuntegn

Producziun da bio Purs da latg da bio survegnan dapli daners

Adina dapli purs da bio chalan cun la producziun da latg – Ussa datti almain dapli daners. Uschia è gartegià da metter in signal per il martgà da bio. Uschiglio vegnia il pretsch da latg adina sbassads. Quai a ditg Thomas Herwig da Biosuisse envers radio SRF.

Per latg da fain datti schizunt 5 raps dapli

Ils purs ed ils elavuraturs da latg, sco er ils detaglists Coop e Migros èn sa cunvegnids suenter zaias tractativas d'in mez onn, ch'ils purs da latg da bio survegnan en l'avegnir quatter raps dapli per liter latg.

In signal per il martgà da bio
Autur: Thomas Herwig Biosuisse

Per in liter latg industrial survegn in pur da bio uschia en il futur 85, enstagl sco fin uss 81 raps. Purs che na dattan a lur animals nagin pavel da silo survegnian per il liter latg perfin 5 raps dapli.

Dapi il prim da schaner 2022 valan en la producziun da latg da bio directivas novas, pli rigurusas, per exempel tar il pavlar dals animals. Per ils purs da bio munta quai dapli custs. In pli aut pretsch da latg saja perquai fitg impurtant per ils purs, ha ditg Thomas Herwig.

RTR novitads 08:00

Artitgels legids il pli savens

Scrollar a sanestra Scrollar a dretga