La professura d'economia da l'Universitad da Son Gagl (HSG), Monika Bütler, è s'exprimida cunter ina prolungaziun da lavur curta en Svizra. Quai fissi la via fallada, ha l'economa ditg a las gasettas da CH-Media. Uschiglio vegnian cementadas structuras economicas che na funcziunassan oramai betg per pli lung temp.
Tenor l'economa da la HSG Son Gagl, duai il stadi salvar en emprima lingia individis e betg firmas. Ina via saja d'investir en la furmaziun dals lavurants per che quels hajan meglras schanzas, sch'els perdan lur plazza.