La butia Denner ha fatg l’onn 2020 marcantamain dapli svieuta. Quella saja s’augmentada per bunamain 16% sin 3,8 milliardas francs, sco Denner ha communitgà. Da contribuir saja quest augment tranter auter a la pandemia da corona: Bain sajan ils clients vegnids levet pli pauc savens en las butias, dentant hajan els cumprà dapli per visita.
Legenda:
La valita d'in chanaster da rauba saja creschì en media per 16%.
Keystone
Per dar dumogn a quest svilup, haja la figlia dal Migros stgaffì radund 480 plazzas. En pli ha la chadaina da discont avert 16 novas filialas l’onn passà. Davart il gudogn n'ha il discounter che dumbra tut en tut 570 filialas en Svizra, na fatg naginas indicaziuns.