Siglir tar il cuntegn

Header

cuntegn

Prognosa KOF Chareschia crescha sin 3%

Ils experts da conjunctura revedan lur prognosa per l'inflaziun: Da nov quintan els cun in augment dals pretschs da 3% per l'onn current – il zercladur vevan els anc prognostitgà in plus da 2,6%. Quai mussa la nova retschertga dal KOF – l'institut da perscrutaziun da l'ETH da Turitg. Co che l'inflaziun sa sviluppa, dependa fitg dals pretschs per energia, ch'èn anc intscherts per l'enviern.

Per quest onn quintan economs svizzers en media anc cun ina creschientscha da 2,2% dal BIP. Cun quai è la prognosa vegnida per 0,3% pli bassa, cumpareglià cun il mars. Quai saja dentant in fenomen temporar. Per l'onn 2023 vegn spetgà in svilup da 2,4% ed a lunga vista 1,2%.

Per la prognosa ha il KOF dumandà 11 economas ed economs per lur prognosas. La KOF perscrutescha la conjunctura per la Scola politecnica federala, e publitgescha lur prognosas quatter giadas l'onn.

RTR novitads 14:00

Artitgels legids il pli savens