Siglir tar il cuntegn

Header

cuntegn

Svizra Prognosas d’economia vegnan curregidas – engiu

Il Secretariat da stadi per l’economia (SECO) sto curreger las prognosas per l’onn actual encunter engiu. Uschia vegn sbassà la prognosas da l’onn current per 0,5% sin 0,9%. Il motiv principal è il campiunadi europeic da ballape en Frantscha da l'onn passà.

L’economia svizra na crescha quest onn betg uschè fitg sco quintà. La raschun principala saja ina nova metoda da calcular il product naziunal brut (BIP). Da nov resguardia l’Uffizi federal da statistica numnadamain er il retgav da licenzas d’eveniments gronds da sport, scriva il SECO.

Campiunadi da ballape ha influenzà il BIP

Perquai che l’onn passà è stada il campiunadi europeic da ballape ston las cifras vegnir curregidas. Il campiunadi da ballape haja influenzà massiv las cifras dal BIP, ha communitgà Eric Scheidegger il manader da la direcziun politica d’economia tar il SECO. Uss stoppia l’eveniment vegnir budgetà sco «divertiment e ulteriuras purschidas» quai che sbassia massiv il carschen dal BIP.

Per il 2018 vegnan cifras medemamain curregidas

Cun las calculaziuns novas quinta il SECO cun in carschen dal BIP il 2018 da 2% enstagl da fin qua da 1,9%. Ils impuls positivs da l’economia globala ed en spezial dals gronds stadis industrials sajan sa sviluppads positiv.

RR novitads 09:00

Artitgels legids il pli savens