Da las interpresas dumandadas decleran 87% ch'i spetgan nagin midament en l’occupaziun en lur firma per il proxim quartal. 7% fan quint cun in augment da persunal e 4% cun ina reducziun.
Surtut pitschnas interpresas cun 10 fin 49 lavurers sa mussan optimistics per il proxim quartal. Els fan quint da savair impiegar dapli persunas en il futur. Interpresas pli grondas guardan pli reservà en il futur che l’entschatta da l’onn. Els na spetgan betg midadas en l’occupaziun.
Bunas perspectivas per la Svizra orientala
Las interpresas en la Svizra orientala spetgan cun 6% il pli grond auzament da plazzas da lavur. Il pli pessimistic èn ils patruns da lavur en la Svizra centrala. Els fan quint cun ina reducziun da plazzas da lavur da 9% per il proxim quartal.
Per il barometer da lavur ha l’intermediatur da lavur Manpower dumandà 751 interpresas en 10 secturs da lavur ed en set regiuns da la Svizra. Il barometer vegn publitgà mintga quartal.
RR novitads 08:00