La Svizra na prenda per il mument betg pli si fugitivs dal uschenumnà «program da Resettlement» da l'Autcumissariat da las Naziuns Unidas per ils fugitivs. Tar il program vai per fugitivs che dovran spezialmain protecziun. La ministra da giustia Karin Keller-Sutter haja sistì il program ad interim davent dals 30 da november. Ses departament argumentescha quai cun la mancanza da capacitads en il sectur d'asil. La primavaira vegnia puspè valità da nov davart il program.
800 fugitivs na pon betg entrar la Svizra
Pertutgads da questa decisiun sajan 800 fugitivs, che na pon per il mument betg entrar en Svizra. En il rom da quest program era il Cussegl federal sa declerà pront il mai 2021 da prender si en il 2022 e 2023 totalmain 1820 fugitivs.