Il constructur da tecnica per far mesiraziuns Landis+Gyr tira il frain dals custs.
Il concern cun sedia Zug stritga radund 700 da las 5'800 plazzas da lavur. Quai correspunda a 12% da tut las plazzas.
Anc il decurs da l’onn da fatschenta current veglia l'interpresa realisar il program da spargn e restructuraziun, sco l'interpresa ha communitgà. La finamira saja da garantir la posiziun sin il martgà er en l'avegnir. Dapli detagls davart las mesiras concretas vul Landis+Gyr communitgar la fin d'october, cura ch'il resultat semestril vegnia publitgà.