Siglir tar il cuntegn

Svizra Project BODLUV sut la marella

Ina gruppa da lavur communabla duai intercurir ils detagls. Quai han decis las 2 cumissiuns da gestiun dal parlament.

Armas.
Legenda: Actualmain è il project per la cumpra d'in nov sistem da defensiun cunter aviuns sistì. Keystone

Las cumissiuns da gestiun dad omaduas chombras examineschan daco ch’il project per il nov sistem da defensiun da l’aria BODLUV è vegnì sistì. Per quest intent han ellas incaricà ina gruppa da lavur communabla.

En in emprim pass duajan tut ils commembers dal Cussegl federal ed ulteriuras persunas involvidas vegnir tadladas. Quai han communitgà las duas cumissiuns da gestiun.

Il minister da defensiun Guy Parmelin aveva decis la fin da mars da sistir il project. Silsuenter èn protocols da la gruppa da project vegnids publics che demussan ch’ils sistems evaluads n’adempleschan betg las pretensiuns. La gruppa ha tuttina vulì cumprar quels sistems.

RR 22:00