Siglir tar il cuntegn

Header

Matta cun termometer en bucca.
Legenda: In bratschlet che controllescha durant la notg la temperatura ed il puls duai gidar a franar la derasaziun dal coronavirus. Keystone
cuntegn

Project da pilot Bratschlet duai franar la derasaziun dal coronavirus

Passa 1'000 persunas dal Liechtenstein èn sa participadas ad in studi cun il bratschlet. En 71% dals cas ha il bratschlet constatà ina infecziun da Covid-19 gia dus dis avant che la persuna ha mussà sintoms.

Avant in onn han passa 1'000 persunas tranter 35 e 51 onns dal Prinicipadi da Liechtenstein cumenzà cun in experiment. Per in studi scientific han els mintgamai la notg purtà in bratschlet ch'è oriundamain vegnì sviluppà per constatar ils dis fritgaivels d'ina dunna.

Durant la notg ha quel bratschlet lura surveglià la temperatura, il puls e la frequenza dal trair il flad. La damaun èn quellas datas lura vegnidas transferidas en ina banca da datas centrala.

Bratschlet enconuscha infecziun avant emprims sintoms

Uss èn avant maun ils emprims resultats dal studi e quels fan speranza: En 71% dals cas saja il bratschlet bun da diagnostitgar in'infecziun da Covid-19 gia dus dis avant ch'ils emprims sintoms sa mussan.

Per Lorenzo Risch, professur per chemia clinica a l'Universitad da Berna e manader dal studi, è quai in grond success. Cun quella metoda saja pussaivel dad intervegnir pli baud tar persunas ch'han in grond ristg da dar vinavant il virus.

Il studi è per gronda part vegnì pajà dal prinzi da Liechtenstein. Sa participada als custs è però er la regenza dal pajais.

audio
Da Radio SRF: Diagnostitgar Covid-19 pli baud cun mesirar la fevra
02:03 min, HeuteMorgen dals 23.03.2021.
laschar ir. Durada: 02:03 minutas.

RTR novitads 07:00

Artitgels legids il pli savens

Scrollar a sanestra Scrollar a dretga