Siglir tar il cuntegn
Inhalt

Svizra Project da taglia 17: Emprim obstachel è surmuntà

Il Cussegl naziunal na vul betg sparter il project en duas votaziuns.

Bul vert en in uffizi da taglia.
Legenda: Quanta taglia duain pajar las interpresas en Svizra? Il Cussegl naziunal vul cumbinar quella dumonda cun la finanziaziun da l'AVS: Keystone

Uschia duain las votantas ed ils votants pudair decider en ina votaziun davart il pachet. Ch’i vegn a dar in referendum cunter la cumbinaziun da la revisiun fiscala e la finanziaziun da l’AVS è tant sco segir.

Gia avant ha la Chombra gronda gì detg na a la proposta da la PPS da bain entrar en materia, lura dentant refusar la fatschenta a la cumissiun per che lezza possia preschentar ina proposta pli schlanca senza in sustegn finanzial per l’AVS.

La debatta cuntinuescha il suenter mezdi. Sco proxim ha da decider il Cussegl naziunal tranter auter era davart dapli daners da la Confederaziun per ils chantuns, ils instruments da la boxa da patentas e deducziuns per la perscrutaziun. Gia il glindesdi turna il Project da taglia 17 puspè en il Cussegl dals chantuns.

Finamira è da discutar a fin questa refurma fiscala enfin la fin da la sessiun d'atun.

RR novitads 12:00+