Siglir tar il cuntegn
Inhalt

Svizra Project da taglia sparta cumissiun

La cumissiun d’economia e taxas dal Cussegl naziunal propona al Cussegl naziunal da dir gea a la revisiun da la lescha per taglia sin interpresas. Cun quai sustegna la cumissiun la proposta dal Cussegl dals chantuns da cumbinar il project da taglia cun la sanaziun da l'AVS.

Maletg da simbol.
Legenda: Maletg da simbol. Keystone

Cun la refurma planisada datti perditas dad impostas. Quint pon ins far cun perditas da var dus milliardas francs. Tants raps sco che van a perder tar las impostas duain dentant ir en la cassa da l’AVS. Quai cun auzar las contribuziuns da lavurantas e lavurants, patrunas e patruns e cun metter daplirs raps da la taglia sin plivalur en la cassa l’Assicuranza per vegls e survivents AVS.

La decisiun en la cumissiun era però fitg stretga cun 12 encunter 11 vuschs e 2 abstenziuns. La refurma da la lescha davart impostas sin interpresas sparta la cumissiun. Betg tuts èn perencletgs da cumbinar ils dus projects che n'han en sasez betg da far in cun l’auter, dovran però tuts dus a curta vista ina soluziun.

Il Cussegl naziunal tracta il project da taglia en la sessiun d’atun che cumenza l’emna proxima.

RR novitads 17:00