Siglir tar il cuntegn

Header

Center da datas.
Legenda: Ils novs centers da data per l'Armada svizra e la Confederaziun han retard e custan dapli. (Maletg simbolic) Keystone
cuntegn

Project dal VBS Centers da data custan 250 milliuns francs dapli che previs

La realisaziun per trais centers da data per l'Armada svizra e l'Administraziun federala vegn radund 250 milliuns francs pli chara che budgetà oriundamain. In dals lieus previs na possia betg vegnir duvrà sco center da datas. Quai resultia d'in rapport dal Departament federal da defensiun, protecziun da la populaziun e sport (VBS), scriva la «NZZ am Sonntag».

Il project vegn uschia a custar pli che 1,1 milliardas francs enstagl dals 900 milliuns francs ch'eran vegnids stimads a l'entschatta. Ultra da quai duai il project ch'è vegnì cumenzà il 2010 esser terminà pir il 2028, pia tschintg onns pli tard che previs, hai num en il rapport ch'il VBS ha publitgà la gievgia sin sia pagina d'internet.

Sco la «NZZ am Sonntag» scriva vinavant, ha il VBS realisà il 2020 be 8 da 23 projects gronds tenor ils criteris previs da finamiras, finanzas, persunal e temp. 7 projects sajan per part vegnids realisads tenor plan e tar ils ulteriurs 8 projects na sajan ils blers dals criteris betg vegnids resguardads.

RTR novitads 11:00

Artitgels legids il pli savens

Scrollar a sanestra Scrollar a dretga