Siglir tar il cuntegn

Header

cuntegn

«Project senza perdun» Katar ha spiunà il mund da ballape – er en Svizra

Il Katar ha – cun agid d'anteriurs agents da la CIA – organisà onns a la lunga in’operaziun da spiunascha cunter funcziunaris da la FIFA. La Svizra è stada centrala e circuls guvernamentals dal Katar èn stads involvads.

Katar ha spiunà persunas en il circul il pli intern da la Federaziun da ballape internaziunala FIFA. Quai mussan retschertgas da SRF investigativ. La regenza dal Katar era involvida en la spiunascha, tranter auter il schef da stadi dad oz, l'Emir da Katar.

Finamira da la spiunascha era da survegnir infurmaziuns ed uschia evitar che la FIFA incumbenseschia in auter pajais da realisar il campiunadi mundial da quest onn. La raschun era la ferma critica encunter il Katar.

Spiunascha «senza perdun»

Per quai ha il Katar incumbensà ina firma americana: Global Risk Advisors. In’interpresa che sa cumpona dad anteriurs collavuraturs da servetschs secrets americans, manada da l’anteriur spiun da la CIA Kevin Chalker. L'intent era la controlla absoluta, u «l'infiltraziun mundiala» sco ch'i ha num en il rapport.

La Svizra ha giugà ina rolla centrala en il cas. A Turitg èn s’inscuntrads il schef-spiun e ses incumbensaders dal Katar – e qua han els spiunà persunas.

En la FIFA è l’operaziun da spiunascha apparentamain restada per gronda part nunenconuschenta. L’anteriur president Sepp Blatter ha ditg en in’intervista cun SRF: «Ch’i deva in’affera da spiunascha organisada en la FIFA, quai m’ha fatg surstar. Ed igl è dubius ch’ins fa quai.»

RTR novitads 09:00

Artitgels legids il pli savens

Scrollar a sanestra Scrollar a dretga