Siglir tar il cuntegn

Header

cuntegn

Svizra Projects da la DEZA portan dapli egualitad

Ils projects da svilup da la Confederaziun contribueschan a l'egualitad tranter um e dunna. Quai mussan evaluaziuns externas.

Dasper meglierar la posiziun economica e politica da las dunnas, vegnia era la violenza encunter dunnas reducida punctualmain tras ils projects da svilup, scriva il Departament federal per affars exteriurs. La Direcziun da svilup e da collavuraziun DEZA s'engaschia sistematicamain per l'egualitad.

Exempels ord l'Africa ed ord l'Asia

Ils rapports publitgads mussan cun exempels, tge progress ch’ins ha cuntanschì. En la Ruanda, il Burundi e la Republica democratica dal Congo saja la violenza tranter um e dunna sa reducida. Ed en l’Afganistan hajan puras pudì augmentar lur entradas grazia a curs co tegnair giaglinas u chauras.

Da las passa 1,3 milliardas francs che la DEZA ha impundì, èn dus terzs ids a projects ch'han in effect positiv sin l'egualitad.

RR novitads 15:00

Artitgels legids il pli savens