Siglir tar il cuntegn
Inhalt

Svizra Prolog al Böögg – til d’uffants a Turitg

2’928 uffants accumpagnads da 772 musicants prendian part quest onn al til tradiziunal d’uffants il di avant il Sächsilüüte, ha scrit l’organisaziun la sonda en ina communicaziun a las medias.

Sco mintg’onn eran ils giasts ils emprims en il til: Radund 200 uffants dal chantun Basilea Citad èn vegnids mascrads e sunond. Auter sco tar il «dretg» Sächsilüüta è il til d’uffants avert per in e mintgin, betg be per commembers da la masteranza, uschenumnads «Zünfters».

Quels vegnan damaun glindesdi en acziun. Il til da las masteranzas maina a partir da las 15:00 tras las vias da la citad per finir vers las 18:00 sin la plazza da Sächsilüüta. Punctualmain las 18:00 vegn lura dat fieu là al Böögg per stgatschar l’enviern. Pli svelt ch’il chau dal Böögg explodescha, pli bella che la stad vegn – di almain la tradiziun.

Cun RTR al Sächsilüüta

Böögg explodescha.
Legenda:Keystone

Er Mario Camartin da Breil è al Sächsilüüta. El è stà 10 onns en la masteranza «zum Kämbel» e 15 onns en quella «zu den drei Königen». Per RTR vegn el accumpagnà da la redactura Fabia Caduff durant il di da festa turitgais cun il microfon – per Vus live sin las undas da Radio Rumantsch.

RR novitads 20:00