Siglir tar il cuntegn
cuntegn

Svizra Promover giuvenils en la vita professiunala

L’economia svizra e la Confederaziun fundeschan in’organisaziun tetgala che duai cumbatter la dischoccupaziun da giuvenils. Sustegn datti da pliras varts.

In giuven tutga en in apparat electronic e trais ulteriurs giuvens guardan tiers.
Legenda: Giuvenils a la fiera da furmaziun professiunala a Turitg. Keystone

Quest’emprima organisaziun naziunala per cumbatter la dischoccupaziun da giuvenils «Check Your Chance» vegn sustegnida d’ulteriuras sis organisaziun nunguvernamentalas, communitgescha la Confederaziun.

Agid per tschertga da lavur

La finamira da l’organisaziun saja, da levgiar il pass en il mund da lavur per ils giuvenils. Tranter auter vulan ins mussar als giuvenils co metter ensemen ils documents d’annunzia u gidar d’exercitar in discurs d’engaschament.

Bassa quota da dischoccupads

Var 20’000 giuvenils n’han actualmain betg ina lavur en Svizra. Quai correspunda ad ina quota da dischoccupaziun da 3,5%. Cumpareglia cun ils pajais da l’UE è quai ina quota bassa.

Il 2009 aveva la Credit Suisse cumenzà cun in project per cumbatter la dischoccupaziun tar giuvenils, quel vegn uss manads vinavant en la nova organisaziun.

RR novitads 14:00