Siglir tar il cuntegn

Header

audio
Co motivar da viver fit e saun?
Or da Actualitad dals 27.01.2022.
abspielen. Laufzeit 3 minutas 36 Sekunden.
cuntegn

Promover la sanadad «La finamira è che la varianta sauna daventa il standard»

«Nudging» en il sectur da la sanadad ha l'intent che l'opziun sauna è la simpla opziun. Quai na saja betg ina manipulaziun, di l'experta Suzanne Suggs che tegna in referat a la 23avla conferenza naziunala per la promoziun da la sanadad.

En Svizra saja enconuschent dapli da la sanadad da las vatgas che da la sanadad da la populaziun. Uschia descriva la professura ordinaria Suzanne Suggs la difficultad da survegnir datas da sanadad en Svizra. Ella perscrutescha tge facturs ch'influenzeschan l’agir da la societad e co che la communicaziun po midar il cumportament en il sectur da la sanadad.

La mancanza da datas è ina difficultad per la professiun da Suzanne Suggs. Ella è numnadamain spezialisada sin «Nudge» e «Social Marketing» en la sanadad. Davos quellas explicaziuns stat l’idea da stgaffir in ambient saun.

La finamira è che la varianta sauna daventa il standard – e la varianta main sauna svanescha betg, è dentond betg il standard.
Autur: Suzanne Suggs Experta da Nudge e Social Marketing en il sectur da sanadad

Suzanne Suggs, ch'è era vicepresidenta da la Swiss School of Public Health fa in exempel: Sch‘ins va tar ina chadaina da fast-food ed emposta il menu d'uffants, duai la bavronda da standard esser l'aua e betg la bavronda dultscha. Quai na clauda dentant betg, ch'i dat la bavronda dultscha. Quella possian ins simplamain postar vitiers.

Prof. Dr. L. Suzanne Suggs

Avrir la box Serrar la box
Legenda: Suzanne Suggs

Suzanne Suggs è professura ordinaria per marketing social a l’institut per communicaziun publica e a l’institut per sanadad publica a l’universitad da la Svizra taliana. Ella perscrutescha tge facturs ch'influenzeschan l’agir e co che la communicaziun po midar il cumportament en il sectur da la sanadad. Suzanne Suggs è era vicepresidenta da la Swiss School of Public Health ed ella è co-fundatura da l’European Social Marketing Association.

A quellas variantas vegn per part fatg la rinfatscha d’esser manipulativas. In argument che l’experta en chaussa na lascha valair: «Jau enconusch bleras persunas che dian che Nudging n'è betg etic. Ma jau di che da betg porscher l’opziun sauna sco simpla opziun n’è betg (etic).»

RTR actualitad 06:00

Artitgels legids il pli savens

Scrollar a sanestra Scrollar a dretga