En Svizra n’hai anc mai dà uschè blers scolars da lingua estra sco ussa. Tenor la «SonntagsZeitung» vegn mintga terz scolar primar or d’ina famiglia che discurra in’autra lingua che quella en scola. Avant 10 onns era quai anc mintga quart scolar. Blers dals scolars da lingua estra na sappian betg bain avunda il tudestg.
Curs per promover la lingua per scolars
I dovria en l’entira Svizra curs obligatorics per promover la lingua per uffants e quai avant ch'els cumenzian la scola. Da quest avis è il cusseglier naziunal da Basilea ed anteriur president dals directurs chantunals da l’educaziun publica, Christoph Eymann.
RR novitads 09:00
