Siglir tar il cuntegn

Header

cuntegn

Promoziun dal lieu Carmalà pli paucs manaschis ma cun dapli plazzas

La promoziun dal lieu da la Confederaziun, las regiuns ed ils chantuns hajan ins pudì carmalar l'onn da corona 2020 damain firmas en Svizra che l'onn avant. Ma quellas han persuenter stgaffì dapli plazzas en Svizra che anc l'onn avant.

Total èn 220 firmas vegnidas da nov en Svizra grazia a la promoziun, quai èn 23 pli pauc ch'anc l'onn avant. Ma quellas fatschentas han stgaffì gia en l'emprim onn da gestiun 1'168 plazzas novas, 119 dapli ch'anc l'onn avant. Plinavant vulan quellas firmas stgaffir ils proxims trais onns 3'583 ulteriuras plazzas – bun in tschintgavel dapli che las firmas da l'onn avant.

ICT e Life Science

purtret d'ina persuna che tegna ina plattina enta maun.
Legenda: Keystone

Las bleras firmas novas derivan da las branschas da tecnologia d'infurmaziun e communicaziun sco era Life Sciences. Geograficamain vegnan las bleras firmas nà da la Frantscha, intginas dals Stadis Unids e la China.

Uschia va il mix da branschas a prà bain cun la strategia actuala da la promoziun dal lieu dals onns 2020 enfin 2023. Quella vul posiziunar al Svizra cun in cler focus tar tecnologias dal futur.

RTR novitads 12:00

Artitgels legids il pli savens

Scrollar a sanestra Scrollar a dretga