Siglir tar il cuntegn

Header

Navigaziun

icon da instagram sin smartphone.
Legenda: Posts da Iouri Podlatchikov e Jolanda Neff stattan en la critica. Recurs cunter posts da Roger Federer e Xenia Tchoumitcheva èn anc pendents. Keystone
cuntegn

Propaganda zuppada Reclama d'influenzaders sto esser marcada

Per l'emprima giada insumma en Svizra hai dà ina decisiun en connex cun reclamas d'influenzaders. La cumissiun per la controlla da reclamas svizra ha dà suatientscha a dus recurs encunter posts dad instagram.

Il snowboardist Iouri Podlatchikov e la velocipedista Jolanda Neff èn vegnids crititgads pervi da posts sin la plattafurma sociala instagram, quai rapporta SRF. Ils dus sportists n'hajan betg signalisà correct reclamas sin la plattafurma. Perquai avevi la fundaziun per la protecziun da consuments reclamà. En la decisiun scriva la cumissiun per la controlla da reclamas ch'i saja necessari da signalisar cleramain reclama e betg zuppar ella tranter auters hashtags.

Ils dus sportists pon uss anc far recurs cunter la decisiun. Duas reclamaziuns en il medem connex encunter Roger Federer e Xenia Tschumitscheva èn aunc pendents. In recurs cunter Michelle Hunziker è dentant vegnì refusà.

RR novitads 14:00