Siglir tar il cuntegn

Header

Navigaziun

cuntegn

Protecziun civila Nagin servetsch civil senza interrupziun

Er en avegnir na duai betg esser pussibel da far servetsch civil senza interrupziun, sco quai ch’igl è pussibel en il militar.

Il cussegl naziunal ha decidì cunter il model da servetsch civil senza interrupziun, quai cun 159 cunter 31 vuschs. En la pratica vegnia fatg tranter 70 ed 80 dis da servetsch civil, hai gì num en il cussegl naziunal. Perquai possian ins ir da quai anora che strusch insatgi veglia far voluntari 245 dis da servetsch.

Il Cussegl federal ha vulì introducir il model senza interrupziun per che persunas che fan servetsch civil, stessan immediat a disposiziun per gronds eveniments. Uschia perdess ins pli pauc temp en il cas d'urgenza.

Pli curt temp d'obligaziun

D'accord è il Cussegl naziunal dentant da scursanir l'obligaziun da far servetsch. Oz cuzza quest temp da 20 fin 40 onns. Il dumber da dis ch'èn da servir varieschan tenor funcziun e n'èn betg limitads. En avegnir duai l'obligaziun cumenzar a partir da 19 onns e finir il pli tard cun 36 onns. En tut duai il temp cuzzar 12 onns. Sch'ina persuna ha fatg ses 245 dis avant ch'ils 12 onns èn a fin, duai el vegnir relaschà dal servetsch.

RR novitads 14:00

RR novitads 12:00