Siglir tar il cuntegn

Header

audio
Gea ad 1,8 milliuns francs per l'alpegiaziun da nursas
Or da Actualitad dals 03.12.2020.
laschar ir. Durada: 03:15 minutas.
cuntegn

Protecziun cunter il luf Dapli daners per l'alpegiaziun da las nursas

Il Cussegl naziunal vul augmentar il budget per ils pajaments directs per l'alpegiaziun da las nursas per 1,8 milliuns francs. Uschia duain survegnir pasturas e pasturs che prendan mesiras da protecziun pli autas contribuziuns.

Suenter che la lescha da chatscha ha fatg naufragi a l'urna, vulan oravant tut politicras e politichers da regiuns muntagnardas realisar intginas mesiras cunter il luf gia sin proxima stad. In allianza da la PS, dals Verds e da la PLD han sustegnì in augment dad 1,8 milliuns francs per sustegnair l'alpegiaziun da las nursas.

Quai saja ina mesira cun la quala ins possia agir gia sin proxima stad, di la socialdemocrata grischuna, Sandra Locher Benguerel, che ha sustegnì l'augment. Auter vesa quai il cusseglier naziunal cristiandemocratic, Martin Candinas – l'Allianza dal Center e la PPS han refusà l'augment. Els teman che uschia giaja l'idea essenziala a perder, numnadamain la regulaziun dal luf.

Avant che l'augment è definitiv, sto anc il Cussegl dals chantuns approvar quel. In ulteriur augment dad in mez milliun, ch'era en discussiun, ha fatg naufragi en il Cussegl naziunal ed è uschia giud maisa.

Artitgels legids il pli savens

Scrollar a sanestra Scrollar a dretga