En il focus èn restricziuns d’access per exempel per ustarias u aviuns. Bain possia in'ustaria refusar l’entrada a persunas senza in attest da vaccinaziun.
Problematic saja però la protecziun da las datas: Tenor Lobsiger na dastga quai betg esser che persunas privatas ston preschentar ad auters privats lur a datas da sanadad persunalas. Perquai saja tant pli impurtant ch’il stadi stgaffeschia ina basa legala e decida tge datas che pon vegnir elavuradas da privats.
Ils burgais na pon betg vegnir exponids cun lur datas da sanadad ad auters burgais. Senza basa legala na va quai betg.
El haja cusseglià d'introducir la regulaziun. Enfin ch'i possia vegnir vaccinà in public pli grond, giaja quai anc pli ditg. Quest temp stoppia la Confederaziun uss nizzegiar per stgaffir reglas cleras. Sch'il stadi na fetschia nagut, possian privats introducir regulaziuns tenor lur gust. Lura smanatschian discussiuns terriblas.