La protecziun cunter fieu en bleras ovras atomaras europeicas saja vegnida tralaschada, quai scriva la rait da retschertga Correctiv. Er en l'ovra atomara da Gösgen ha l'Inspecturat federal per la segirezza nucleara ENSI constatà l'avrigl 2017 manglaments. Concretamain vai per las uschenumnadas portas da protecziun cunter incendis che serran automaticamain en cas da fieu, per impedir uschia ch'il fieu sa derasa. Las portas na correspundian betg al stan actual da la tecnica, uschia la critica.
Tar l'ovra atomara da Gösgen na datti nagina chapientscha per la critica. La protecziun cunter incendis saja garantida. I vegnia uss dentant examinà in concept en detagl.
RR novitads 09:00