La Fundaziun svizra per la protecziun da la cuntrada ha investì l'onn passà 1,5 milliuns francs per tgirar la cuntrada da cultura svizra. En emprima lingia sajan quai stads projects en muntogna sco restaurar vias istoricas, sanar mirs sitgs u mantegnair curtins da pumera cun bist aut.
Profità il pli bler da l'agid da la fundaziun han ils chantuns Grischun cun 560'000 francs ed il Tessin cun 883'000 francs. En ils chantuns Neuchâtel, Vallais, Glaruna e Son Gagl èn divers projects vegnids sustegnids cun imports pli pitschens. La Fundaziun svizra per la protecziun da la cuntrada viva en emprima linga da donaziuns.