Siglir tar il cuntegn

Header

Duas pertgas.
Legenda: Pertgas datti bain anc en Svizra, dentant er bler pli paucs che anc avant 50 onns. Keystone
cuntegn

Protecziun da la natira WWF avertescha da muria da peschs

Sin l'entir mund è in terz da tut ils peschs d'aua dultscha periclità. En Svizra èn 58% dals peschs sin la glista cotschna.

Sin l'entir mund saja in terz dals peschs d'aua dultscha periclità. Il WWF avertescha perquai d'ina muria da peschs e las consequenzas. Tenor in rapport da l'organisaziun da la protecziun d'ambient sajan 80 spezias da peschs d'aua dultscha gia extirpadas – 16 da quellas durant l'onn passà.

Tut en tut sa diminueschia la biodiversitad en flums e lais dubel uschè svelt sco en la mar u en ils guauds. Quai scriva il WWF ensemen cun ulteriuras 16 organisaziuns en ses rapport cun il num «The Worlds Forgotten Fishes».

La situaziun dals peschs è critica er en Svizra

En Svizra èn 58% dals peschs sin la glista cotschna. Gia svanids sajan ils scaruns, salmuns-litgiva, sturiuns atlantics e da la mar mediterrana, lampredas da flum, alosas, fintas ed ils salmuns dal Danubi, scriva il WWF.

Disturbads vegnan ils peschs en Svizra surtut da la construziun d'ovras idraulicas e la negligientscha da flums ed auals. Il WWF pretenda perquai ch'i vegnia uss investì en mesiras che pussibiliteschan la migraziun natirala dals peschs.

Ord da l'archiv

video
Prim di da pestga cun novas prescripziuns
Or da Telesguard dals 01.05.2020.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga