La cumissiun internaziunala per la protecziun da las Alps «Cipra» ha avertì d’augmentar il dumber d’implants idraulics en biotops protegids. Valladas alpinas grischunas sco la Val Madris e la Greina fissan periclitadas. Quai ha ditg il president da la cumissiun, Kaspar Schuler, en in’intervista cun la «Südostschweiz».
L’atun aveva il Cussegl dals chantuns decis da lubir novs implants idraulics en biotops da muntada naziunala. Gia lura èsi stà probabel ch’il suveran vegnia la finala a decider a l’urna en chaussa.
«Grond part da la populaziun» saja cunter
Cun construir implants idraulics en biotops na vegnia la convenziun per la protecziun da las Alps betg resguardada. Quella convenziun è vegnida elavurada e suttascritta dals otg pajais da las Alps e cuntegna finamiras da persistenza.
Plinavant citescha Schuler dus retschertgas da l'ETH. Tenor quellas sajan ina grond part da la populaziun cunter indrizs d'energia en regiuns da muntogna intactas. Acceptadas sajan uschè indrizs dentant en regiuns turisticas ubain en territori abità giu la Bassa.
Or da l'archiv
Quest atun è ina nova ovra idraulica ida en funcziun, numnadamain sin il cunfin da la Svizra e l'Austria. RTR ha rapportà.
