Siglir tar il cuntegn

Header

cuntegn

Protecziun da marcas Pli simpel da proteger nums sco «Bündnerfleisch»

Producents svizzers pon uss proteger pli simpel lur marcas cun indicaziuns geograficas, e quai er sin il palc internaziunal. Uschia per exempel il num «Bündnerfleisch» u er la «Turta da kirsch da Zug». Il Parlament federal ha approvà ina cunvegna correspundenta.

Suenter il cussegl dals chantuns ha uss er il Cussegl naziunal approvà la cunvegna. Cunquai duain products svizzers cun indicaziuns geograficas vegnir protegids il medem mument en plirs stadis. Oz ston producents svizzers far en mintga stadi ina dumonda separada per proteger lur products.

Cun quest pass èsi en avegnir pli simpel ed er pli bunmartgà da da proteger las marcas, ha declerà la pledadra da la cumissiun e cussegliera naziunala per il Grischun, Sandra Locher Benguerel.

Ord l'archiv da SRF:

Tgi na sa regorda betg pli dal cusseglier federal Merz che ha stuì rir talmain ferm durant dir il pled «Bündnerfleisch»? Qua sut il clip.

video
Attatga da rir da Merz pervi da «Bündnerfleisch»
Or da Gipfelstürmer dals 13.10.2012.
laschar ir. Durada: 2 minutas 54 Secundas.

RTR novitads 12:00

Artitgels legids il pli savens