Il schef da la Partida social-democratica, Christian Levrat, vul in plan d’investiziun ecologic per la Svizra. Il plan prevesa investiziuns da radund 12 milliardas francs ad onn per energia solara e dapli effizienza energetica. Ils daners duain vegnir dal maun public e da privats.
La summa paria auta, ma ella correspundia a la cumpart dal product interiur brut che saja gia vegnida investida pli baud en la producziun d'energia, ha ditg Levrat en in’intervista cun la gasetta «Le Matin Dimanche». Quai che la Svizra haja fatg durant ils onns 60 per la forza idraulica stoppia er esser pussaivel l’onn 2020 per il clima. Ils Socialdemocrats vegnian bainbaud a preschentar in plan concret, ha annunzià Levrat.
RR novitads 06:00