Questa midada da la lescha da chatscha propona la cumissiun cumpetenta dal Cussegl dals chantuns. Oz èsi pussaivel da sajettar singuls lufs be sch’els han stgarpà in tschert dumber dad animals da niz. Plinavant vul la cumissiun dal Cussegl dals Chantuns era regular las populaziuns da lufs-tschervers e casturs. La confederaziun duai da nov pudair indemnisar donns ch’ils casturs fan per exempel vi da rempars.
Il Cussegl federal na vul betg be pussibilitar da sajettar singuls animals che fan donns, mabain era ch'entiras populaziuns pon vegnir decimadas. En la lescha da chatscha duai dentant vegnir scrit differentas cundiziuns che ston esser ademplidas. La populaziun da lufs possia vegnir decimada be cura ch'el è in privel per il carstgaun, malgrà grondas mesiras da protecziun.
RR novitads 16:00