Siglir tar il cuntegn

Header

Navigaziun

Ura da controlla
Legenda: En l’avegnir duai ina part dals lavurants lavurar tenor in model da temp da lavur annual e betg pli emnil. Keystone
cuntegn

Svizra Protecziun dals lavurants duai vegnir schluccà

La protecziun dal lavurant e da la lavuranta duai vegnir schluccada per ina part dad els. Quai vul la cumissiun economica dal Cussegl dals chantuns - malgrà reacziuns criticas en la consultaziun.

La cumissiun vul ch'ina part da las lavurantas e dals lavurants lavuran tenor in model da temp da lavur annual, senza limitar il temp da lavur emnil. Per la cumissiun è il basegn d'agir avant maun. Ella veglia reagir sin in mund da lavur che sa midia. Il project va enavos sin in’iniziativa parlamentara dal cusseglier dals chantuns da Lucerna Konrad Graber

Per tgi valan las midadas?

Pertutgads da las midadas fissan lavurants cun ina funcziun da superiur u spezialists cun cumpetenzas da decider. En cifras èn, tenor stimas, var 38% dals lavurants pertutgads.

Ils chantuns n’èn betg intgantads dal project da Graber. Be quatter chantuns sustegnan il sboz. Sustegn vegn da las uniuns da patruns. L’Uniun sindicala svizra da sia vart da sia vart smanatscha gia cun il referendum.

RR novitads 15:00