Siglir tar il cuntegn

Header

Navigaziun

Vegnan betg da perina: Cussegl federal e Cussegl naziunal.
Legenda: Cussegl federal e Cussegl naziunal na vegnan betg da perina schi va per las aczias al purtader. Keystone
cuntegn

Svizra Protecziun per aczias al purtader

Aczias al purtader na duain betg vegnir transfurmadas en aczias al num. Auter ch’il Cussegl federal vul il Cussegl naziunal lubir aczias al purtader existentas era en il futur. Novas na duai quai però betg pli dar.

Schi va tenor il Cussegl federal ston aczias al purtader vegnir transfurmadas en aczias da num. Aczias al purtader fissan mo anc permessas sut diversas cundiziuns. Per exempel sche la societad ha titels da participaziun quotadas a la bursa.

Quai duai evitar cha la Svizra vegn sin ina glista naira da l'OECD. Sch’ins riva numnadamain sin quella glista, po quai dar sancziuns argumentescha il Cussegl federal.

Il Cussegl naziunal ha però decis auter. Bain na duain pudair vegnir fundadas novas societads cun aczias al purtader. Ma per aczias al purtader existentas duajan valair vinavant las reglas dad oz. L'affar va sco proxim en il Cussegl dals stadis.

RR novitads 17:00