L'onn 2020 haja il Post independent per la protecziun d’uffants e creschids Kescha ha fatg cussegliaziuns en 1’324 cas, quai èn var 200 dapli cas ch’ils onns avant. Gist en il temp da corona hajan las cussegliadras ed ils cussegliadras manà dapli discurs dentant era pli lungs discurs. En 60% dals cas gieva quai per la protecziun d’uffants. Il problem era il pli savens in conflict tranter ils geniturs. Uschia gieva per dumondas da dretg da visitar, ni per dumondas da dretg da tgira dals uffants.
Protecziun da persunas creschidas
En las consultaziuns per la protecziun da persunas creschidas (40%) saja lura cunzunt ì per conflicts cun il cussegl giudizial. La Kescha è da l'avis, che tar la protecziun da creschids la curatella duess vegnir fatga da persunas da referiment che han contact sur blers onns cun quellas persunas. Quai stgaffeschia fidanza e reduceschia conflicts.
Per pli ord la Svizra tudestga
La gronda part da las persunas che han tschertgà agid vegnan da la Svizra tudestga (97%). Da la Svizra taliana èn quai anc stgars 2% e da la Svizra franzosa anc stgars 1%.
Ord l'archiv
La KESB, l'autoritad da protecziun d'uffants e da creschids è pir a partir dal 2013 en funcziun e gia sut critica massiva. È la critica giustifitgada, tgi decida e tenor tgenins criteris?
