Siglir tar il cuntegn

Header

cuntegn

Proteger anguillas Pestgaders svizzers vulan proteger las anguillas en il Rain

anguillas
Legenda: Anguillas mortas u blessadas tras turbinas dad ovras electricas al Rain (archiv 2018). Keystone

L’Uniun da pestga svizra e l’organisaziun per la protecziun da las auas «Aqua Viva» pretendan da proteger meglier las anguillas en il Rain. Ins stoppia dar gas e sanar las ovras electricas, per che las anguillas morian betg pli turmentusamain en las turbinas, scrivan las duas organisaziuns. Ils ultims dis hajan ins puspè constatà anguillas mortas u blessadas.

Anguillas crappian turmentusamain en las turbinas

En las turbinas vegnian bleras anguillas stgarpadas e crappian a moda crudela. L’anguilla è dapi onns sin la glista cotschna da las spezias d’animals periclitadas. Il Rain cun sias passa 21 ovras electricas grondas saja in grond problem per ils peschs insumma.

Finamira strusch cuntanschibla

Tenor lescha ston las ovras electricas en Svizra esser transviablas per peschs. En vista a la situaziun actuala dubittan l'Uniun da pestga e l'Organisaziun per la protecziun da l'aua che questa finamira vegnia ademplida.

RTR novitads 17:00

SDA / Ursin Cadisch

Artitgels legì il pli savens

Nach links scrollen Nach rechts scrollen