Siglir tar il cuntegn

Header

cuntegn

Proteger minoritads Fedpol paja in mez milliun francs per projects

La segirtad da minoritads cun basegns spezials da protecziun – duai vegnir megliurada en Svizra. Il Fedpol sustegna perquai organisaziuns privatas da Gidieus, Muslims ed autras minoritads.

Igl è l’emprima giada che l’Uffizi federal da polizia (Fedpol) sustegna organisaziuns per proteger minoritads, sco l’uffizi scriva sin sia pagina d’internet.

Sco minoritads valan gruppas da persunas – che sa sentan colliadas tras ina moda da viver communabla, la religiun, la tradiziun, la lingua u l'orientaziun sexuala. Projects pussaivels che pon spetgar sustegn èn per exempel adattaziuns vi da bajetgs religius sco sinagogas e moscheas, che dovran ina protecziun speziala.

Priorisà la repartiziun dals daners

Il Fedpol ha pajà per fin fanadur radund in mez milliun francs, ad 11 organisaziuns che contribueschan a questa segirtad. E l’uffizi ha tenor atgnas indicaziuns stuì priorisar las dumondas – tenor ils criteris da l’urgenza, da la qualitad e da l’effizienza da las mesiras. Trais dumondas èn vegnidas renviadas.

La Tagesschau da SRF ha rapportà il mars 2018:

video
Proteger bajetgs ed instituziuns gidieuas
Or da Tagesschau dals 07.03.2018.
laschar ir. Durada: 2 minutas 16 Secundas.

RTR novitads 10:00

Artitgels legids il pli savens