Ils lavurers da construcziun demonstreschan a Bellinzona per la vegliadetgna da renta 60, cunter il dumping da pajas e per temp da lavur pli curt. Per damaun èn planisadas protestas en la citad da Genevra. Quai han communitgà ils sindicats, Unia, Syna ed OCST.
La raschun per las protestas è il contract collectiv da l'industria principala da construcziun (LMV) che scada la fin da l'onn. I sa tracta dal contract collectiv tranter la Societad svizra dals impressaris constructurs ed ils sindicats Unia e Syna. Las tractactivas èn stadas bloccadas per radund in onn.
RR novitads 15:00
