Siglir tar il cuntegn

Header

cuntegn

Svizra Protests cunter project d'autostrada a Bienna

Pliras tschient persunas èn la sonda sa rimnadas a Bienna per demonstrar cunter ils effects dal rom vest dal sviament d'autostrada. Ils adversaris dal project sa dostan cunter la circulaziun dal traffic ed ils effects sin la citad.

Concret pretendan ils demonstrants da desister da dus access d'autostrada vers il center da la citad. Quels chaschunassan mo anc dapli traffic en il center. Passa 700 arbers e radund 100 bains immobigliars fissan pertutgads dal project da construcziun gigantic. Pervi da las lavurs da construcziun fiss l'access al lai restrenschì durant 15 onns.

Ils iniziants da la demonstraziun disturba er ch'il project è be vegnì elavurà dal chantun e la Confederaziun senza integrar la populaziun locala. Il project saja a la moda veglia e correspundia al pensar dal 20avel tschientaner, cura ch'ins haja respundì sin dapli traffic cun dapli vias. Quest pensar saja antiquà, è il comité persvas.

RR novitads 15:00

Artitgels legids il pli savens