La gievgia aveva il magazin «Weltwoche» rapportà ord actas d’investigaziun secretas dal cas d’extorsiun – e fatg tranter auter la reproscha al cusseglier federal dad avair duvrà persunal da la Confederaziun per reglar il cas. Sche questas actas èn vegnidas dadas al magazin, pudessi sa tractar d’ina violaziun dal secret d’uffizi.
L’onn passà è ina dunna vegnida sentenziada pervi d’extorsiun encunter Alain Berset. Ella aveva mess sut squitsch il cusseglier federal, cun fotografias e correspundenza tranter els dus – e vuleva 100’000 francs.