Siglir tar il cuntegn

Header

cuntegn

Provediment d'electricitad 23 minutas senza current electric

Durant 23 minutas han chasadas svizras stuì desister durant l’onn passà sin electricitad. Il 2017 è il temp anc stà en media 3 minutas pli pauc. Quai ha communitgà la cumissiun d’electricitad federala.

Raschun per l’augment durant l’onn passà saja stà il stemprà Burglind. En cumparaziun internaziunala saja la qualitad dal provediment d’electricitad en Svizra dentant fitg aut. Plinavant sajan ils pretschs restads relativamain stabils durant ils ultims diesch onns.

Privel da blackout

Mez matg hai dà ina situaziun nua che la Svizra avess prest gì da temair in blackout. Quai perquai che la quantitad d'electricitad tramessa direcziun Germania è creschida tuttenina fitg ferm. Quai ha strapatschà las raits svizras tras las qualas l'electricitad da la Frantscha ha stuì ir.

Sur tut l'enviern poi dar qua stretgas perquai che la Svizra n'è bet en l'Uniun euorpeica e na fa betg part dal martgà da l'UE. I dat uss dentant ina cunvegna che la Svizra po franar questas stretgas. Pervi da l'enviern relativamain miaivel n'han ins dentant betg stuì far diever da quai. Per proxim enviern è er previs d'applitgar questa cunvegna, quai fin ch'ins ha chattà ina schliaziun definitiva.

RR novitads 14:00

Artitgels legids il pli savens