Siglir tar il cuntegn

Header

audio
Cussegl federal examinescha fondo d'urgenza per branscha d'electricitad
Or da Actualitad dals 14.04.2022.
abspielen. Laufzeit 3 minutas 2 Sekunden.
cuntegn

Provediment d'electricitad Cussegl federal examinescha fond d'urgenza

Al Cussegl federal fan ils martgads d'energia quitads, cun pretschs che van ferm si e giu. Cun la guerra en l'Ucraina saja questa fluctuaziun creschida – en ina furma fin uss anc betg enconuschenta.

Pervia ils pretschs volatils sin ils martgads d'energia dovran concerns d'energia dapli meds finanzials per il commerzi d'electricitad. Dapi la guerra en l'Ucraina è questa fluctuaziun creschida en ina furma fin uss anc betg enconuschenta. Uschia s'augmenta il basegn da liquiditad fermamain per las interpresas d'energia. In'interrupziun nuncontrollada d'in concern pli grond possia periclitar il provediment d'electricitad.

Quai vul il Cussegl federal evitar ed examinescha perquai in fond d'urgenza per concerns d'energia ch'èn relevants per l'entir sistem. Ina proposta duess esser sin maisa per la sessiun da stad dal parlament. La finamira è da garantir il provediment d'electricitad en Svizra, era sche la situaziun sin ils martgads sa pegiurass.

Cavigelli beneventa fond

Il cusseglier guvernativ dal Grischun, Mario Cavigelli, che presidiescha conferenza dals directur d'energia dals chantuns beneventa il pachet per il sectur d'electricitad. Il privel ch'ins pudess dar en ina rusna saja qua e quai er per la Repower e la branscha en Grischun.

audio
Cavigelli: «Enfin uss è quai be prevenziun»
aus Actualitad vom 14.04.2022.
abspielen. Laufzeit 3 minutas 53 Sekunden.

RTR novitads

Artitgels legids il pli savens

Scrollar a sanestra Scrollar a dretga