Proveder la populaziun cun sang duai daventar chaussa da la Confederaziun. La cumissiun da sanadad dal Cussegl dals chantuns ha approvà in'iniziativa parlamentara dad Ulrich Giezendanner da la PPS Argovia. Quai han communitgà ils Servetschs dal parlament.
Uschia duai la Confederaziun vegnir obligada da segirar a la populaziun avunda sang e products da sang instabels. Questa incumbensa duai era pudair vegnir surdada ad organisaziuns privatas che vegnan pajadas persuenter. Pajar donaturs da sang duai dentant vegnir scumandà.
Ozendi n'è il servetsch da dar sang betg explicitamain renconuschì sco incumbensa publica. Er n'exista nagin mandat da prestaziun tranter la Confederaziun e la Donaziun da sang CCS Svizra.
RR novitads 17:00