PS di «gea» al palpiri per in'economia democratica

Al di da partida a Thun han ils delegads da la Partida socialdemocratica da la Svizra discutà davart il palpiri da posiziun da la politica d'economia . La dumonda da l’ala dretga da la partida, da refusar quest palpiri dispitaivel n’ha gì nagina schanza.

Christian Levrat e Marina Carobbio. Bild in Lightbox öffnen.

Legenda da maletgs: La suprastanza da la PS, qua Christina Levrat e Marina Carobbio, taidla ses socis al di da partida a Thun. Keystone

Gia avant il di da partida aveva quest palpiri procurà per grondas discussiuns. Il palpiri fa 20 pretaisas per dapli democrazia en l'economia. Uschia pretenda el tranter auter che lavurers possian discutar da decisiuns da l’interpresa.

Christian Levrat e Marina Carobbio. Avrir maletg en lightbox.

Legenda da maletgs: La suprastanza da la PS, qua Christina Levrat e Marina Carobbio, taidla ses socis al di da partida a Thun. Keystone

Las disucssiuns era intensivas

Ils socis han discutà intenisvamain. Gia tar la dumonda da refusar il palpiri han bunamain 30 persunas prendì il pled. L’ala dretga enturn Daniel Jositsch (PS/ZH) aveva pretendì, ch’il palpiri stoppia vegnir adattà per ch’el correspundia «dapli al concept da l’economia da martgà social». Er in punct da critica era tenor in votum dad Evi Allemann (PS/BE) che la digitalisaziun na saja betg sisum l’agenda.

In palpiri «curaschus e progressiv»

Plirs pledaders èn dentant sa mussads cuntents cun ils puncts preschentads. Uschia per exempel la cussegliera naziunala turitgaisa Mattea Meyer. La politica actuala na bastia betg, uschia stoppia il stadi intervegnir nua che l’economia disdeschia. Il palpiri na saja «betg senza senn per la realitad», ma «curaschus e progressiv».

Il palpiri concretisescha da «surmuntar il chapitalissem»

Ers il president da la PS, Christian Levrat, ha sustegnì il palpiri preschentà.Avant il di da partida aveva el ditg, chh'il palpiri conretiseschia la pretaisa or dal program da partida da la PS – numnadamain quella da«surmuntar il chapitalissem».

Al di da la partida ha el sustegnì tenor l'agentura da novitads svizra sda il palpiri in zic pli moderadamain. Cun il palpiri emprovia la partida socialdemocratica da purtar dapli democrazia en l’economia. Malgrà lungas discussiuns era il resultat la finala cler cun 375 per las propostas e 59 cunter.

Il di da partida cuntinua la dumengia - tranter auter decida la PS las parolas per las proximas votaziuns in favrer.

RR novitads 16:00++