Siglir tar il cuntegn

Header

Christian Levrat, president da la PS.
Legenda: Levrat ha ditg ch'el saja persvas che la PS dumognia ensemen las suttascripziuns necessarias per il referendum. Keystone
cuntegn

Svizra PS fa referendum per sbassar custs da refurma da taglia

Ils socialdemocrats fan il referendum cunter la refurma da l'imposiziun da taglia sin interpresas III - ella custia memia bler. Il president da la partida, Christian Levrat, ha ditg ch’il presidi e la direcziun sajan sa cunvegnids a quest pass.

La sanestra aveva gia annunzià il referendum, en il cas ch'ils custs da la refurma na vegnian betg sbassads sin 500 milliuns francs per onn.

En la versiun decidida dal Cussegl naziunal custa la refurma bun 1,2 milliardas francs. Las midadas decididas dal Cussegl dals chantun èn però per radund 100 milliuns pli bunmartgadas.

Trair il frain

Oz vegnan gudogns da l’exteriur da holdings e fatschentas administrativas suttamess ad ina taglia pli bassa che gudogns fatgs aifer la Svizra. Da quests privilegis stoppia la Svizra uss prender cumià en vista al squitsch internaziunal, uschia la PS. Cunzunt l’UE acceptia betg pli ina tala concurrenza da taglia, la quala è tenor l’UE nuschaivla e betg gista.

En il rom da la refurma da l'imposiziun da taglia sin interpresas III duajan interpresas vegnir persvasas da restar ch’avevan oriundamain fixà lur sedia en Svizra pervi da tractament da preferenza fiscal. Questa finamira duai vegnir cuntanschida cun pli bassas taglias sin gudogn e levgiaments da taglia.

RR novitads 07:00

sda/alb

Artitgels legì il pli savens

Nach links scrollen Nach rechts scrollen