Ils purs e las puras da puma èn plain fidanza che la racolta da maila daventa buna. Cun 120'091 tonnas maila (-1%), quintian els cun pli u main la medema racolta sco l'onn passà, quai scriva l'Uniun svizra da pumicultura. I dat dentant grondas differenzas tar las sortas: tar las sortas sco Gala, Golden Delicious e Braeburn dastg'ins quintar cun in augment tar la racolta. Tar Boskoop, Idared, Milwa, Elstar e Gravensteiner quintan ins cun ina considerabla reducziun tar la racolta.
Patì dapli da las notgs cun schelira l'avrigl, las malauras da las davosas emnas e la stad bletscha hajan ils pairs da maisa. Els quintian cun radund 18'600 tonnas, quai èn 20% damain pairs che l'onn passà, manegia l'uniun da pumicultura.
Quantitad spetgada – pli enconuschenta maila
- Gala, 34'596 tonnas (+4%)
- Golden Delicious, 15'468 tonnas (+14%)
- Braeburn, 11'858 tonnas (-2%)
Quantitad spetgada – pli cultivads pairs
- Kaiser Alexander, 7'439 tonnas (-10%)
- Conférence, 3'694 tonnas (-14%)
- Williams, 2'446 tonnas (-45%)
Quantitad spetgada – territori da cultivaziun maila
- Svizra Orientala, 46'690tonnas (-8%)
- Vallais, 36'950 tonnas (+38%)
- Regiun da Genevra, 23'422 tonnas (+21%)
Quantitad spetgada – territori da cultivaziun paira
- Svizra Orienta, 10'057 tonnas (-3%)
- Vallais, 6'016 tonnas (-36%)
- Regiun da Genevra, 1'234 tonnas (+10%)
Ord l'archiv
audio
Co racoltan ins endretg in mail?
ord Co e cum dals 06.09.2018.
Maletg: Keystone
laschar ir. Durada: 2 minutas 12 Secundas.
